НА ПРВАТА ТРКА ВО НОВАТА СЕЗОНА ВО ФОРМУЛА 1 ШАМПИОНАТОТ

Ферари брилијантен: Фетел победи во Мелбурн, Раиконен трет

Актуелниот првак Луис Хамилтон заврши на второто место

објавено: 25 март 2018 - 08:55

Тоа што екипата на Ферари го најавуваше пред почетокот на сезоната, го демонстрираше на првата трка во новиот Ф1 шампионат. Италијанскиот тим имаше одлично издание на трката за големата награда на Австралија. На патеката во Мелбурн, првото место го освои Себастијан Фетел, додека Кими Раиконен заврши на третата позиција.

Помеѓу двата болида на Ферари, на второто место се пласираше актуелниот Ф1 шампион, Луис Хамилтон, кој имаше пет секунди заостанување зад победникот, а една секунда пред третопласираниот Финец. 

Поени на првата трка уште освоија Даниел Рикиарко кој заврши на четвртото место, а потоа редоследот беше Фернандо Алонсо, Макс Верстапен, Нико Хулкенберг, Валтери Ботас, Стофел Вандурн и Карлос Сајнц, кој заврши на 10 место во Мелбурн. 

За Фетел ова беше 48 победа во кариерата и јубилејно 100-то искачување на подиумот, со што влезе во друштво на Михаел Шумахер, Луис Хамилтон и Алан Прост, кои од порано имаа стигнато до оваа бројка.

Следната трка се вози на 8 април за големата награда на Бахреин.

Најново во Авто-мото