По повод светското традиционално карате првенство

„Традиционалистите“ до историски резултат во Монтекатини

Постигнат е историски резултат ,14 медали од кои: 9 златни, 1 сребрен и 4 бронзени медали во сениорска, јуниорска и кадетска конкуренција.

објавено: 5 декември 2017 - 20:00

Агенцијата за млади и спорт организираше прес конференција по повод неодамнешниот настап на Македонската репрезентација во традиционално карате на Обединетиот светски карате шампионат во Монтекатини.

Постигнат е историски резултат ,14 медали од кои: 9 златни, 1 сребрен и 4 бронзени медали во сениорска, јуниорска и кадетска конкуренција.

Директорот на Агенцијата за млади и спорт Дарко Каевски истакна дека е чест и вистинско задоволство кога Македонска репрезентација освојува ваков историски успех, особено ако истиот е остварен на едно мундијалско натпреварување. Агенцијата и понатаму останува отворена за соработка со федерацијата за традиционално карате во секој сегмент, особено кога станува збор за младинските категории.

Дејан Недев изјави дека остварувањата се историски успех за Македонското традиционално карате ако се земе фактот на СШ учествуваа над 1000 натпреварувачи од 47 земји и тоа земји кои претставуваат величини во каратето, како Јапонија, Бразил, Романија, Аргентина.

„Посебно е важно тоа што освојувачите се главно кадетски и јуниорски натпреварувачи кои истовремено се стипендисти на Агенцијата за млади и спорт, со што сакам да ја нагласам важноста на овие средства и оправданоста за нивното постоење“, изјави Недев.

Резултати-сениори: 1. место во кати екипно-сениори (Дејан Недев, Аљоша Недев и Матеј Ангеловски), 1. место во кого-кумите и фукуго-сениори Матеј Ангеловски, 3. место во кати поединечно Дејан Недев, 3 место во ен-бу м/м (А. Недев и М. Ангеловски).
Резултати-јуниори: 1. место кати екипно-јуниорки (М. Саздова, Б. Милевска и Ј. Милевска), 1. место ен-бу м/ж (О. Тасевски и М. Саздова), 2. место во кого-кумите Берта Милевска.
Резултати-кадети: 1. место кати екипно-кадетки(А. Белазелкоска, Ј. Дробниќ и Ј. Милевска), 1. место фукуго-кадетки Јелена Дробниќ, 1. место во кати и кого кумите поединечно Мила Саздова, 3. место во фукуго-кадетки Мила Саздова и 3. место во кого-кумите Јана Милевска.

Најново во Други спортови