ГОЛЕМ УСПЕХ ЗА МЛАДИТЕ ФУДБАЛЕРКИ

Женската репрезентација до 18 години ја освои Естонија

Македонската женска репрезентација до 18 години го освои првото место на развојниот турнир на УЕФА во Талин, Естонија.

објавено: 5 мај 2017 - 11:00

Македонската женска репрезентација до 18 години го освои првото место на развојниот турнир на УЕФА во Талин, Естонија. Нашата младинска женска селекција предводена од Астрит Мерко забележаа две победи, на првиот натпревар против домаќинот Естонија со 3:1 и против Летонија по подобро изведување пенали.

Јана Чубриновска, Улса Максути и Дервиши Рабиа беа стрелци на головите за Македонија во триумфот против Естонија.

Чубриновска беше стрелец на израмнувачкиот погодок во второто полувреме од пресметката против Летонија. Нашата селекција втората победа ја славеше по подобро изведување пенали, 3:1. Шемсовиќ, Максути и Белистојановска погодија од белата точка за Македонија, нашата голманка Рочи одбрани три пенали.

Најново во Фудбал