НАЈТРОФЕЈНИОТ КЛУБ ВО МАКЕДОНИЈА Е ТРЕТИОТ ПОЛУФИНАЛИСТ

Искуството е добитната „куп-карта" за Работнички

Уште во првата четвртина тимот од „Градски парк" обезбеди двоцифрена предност, која Куманово не успеа да ја стигне во наредните три, за конечни (87:81) Затоа утревечер, од 18.30 часот, Работнички ќе се бори за финалето против Карпош Соколи.

објавено: 17 февруари 2017 - 20:08

Уште во првата четвртина тимот од „Градски парк" обезбеди двоцифрена прендост, која Куманово не успеа да ја стигне во наредните три. Затоа утревечер, од 18.30 часот Работнички ќе се бори за финалето против Карпош Соколи.

Работнички ќе игра во уште едно полуфинале од националниот Куп. Тимот од „Градски парк", иако ослабен со неиграњето на Владо Илиевски, против Куманово одигра како што посакуваше.
Во една четвртина акумулираа голема предност, во оние наредните, макар и со доста осцилации во играта, успеаја да ја одбранат. Во третиот четвртфинален дуел од завршниот турнир во Кавадарци...
Работнички – Куманово 87:81 (24-13; 18-16; 21-22; 24-30)
Работнички имаше доста висок процент на реализација. Особено во шутот за три поени. А кога е така, тогаш противникот има сериозни проблеми.
„Црвено-белите" имаа 50% на реализација (3/6) во тој прв период од играта во кој стигнаа до двоцифрена позитива (24:13).
Мираковски продолжи да погодува од таа дистанца, па најтрофејниот клуб кај нас, стигна до уште поголемо водство (27:13), иако тука во Кавадарци не може да смета на својот прв организатор на играта, Владо Илиевски (повреда на рамото).


Отпор во тие 15. минути им пружаа само двајца кумановци, Мијатовиќ и Караколев (заедно 15 поени). кои и ја намалија онаа предност од 15. поени (30:15) на Работнички која стоеше на семафорот во „Јасмин".
Но сето тоа излгедаше доста кратко, затоа што искусната петорка која ја има на рапсолагање Марин Докузовски има рутина, знае да игра на резултат. Впрочем комплетнито стартен соства на „бело-црвените" го погодуваше противничкиот кош. И ако оние 11. поени кои дојдоа од Мираковскии Мишановиќ не влегуваат во рубриката изненадувачки, тогаш дефиниитвно оние 10 кои ги реализираше Николиќ ја направија разликата.


И во ограта, но и во резултатот во тие 20. минути во кои Работнички не само што ја задржа,туку и ја зголеми почетната предност. Имаше плус од 13 поени (42:29). Со забелешка дека освен овие пет играчи, шанса за игра добија уште Ефремоски (скоро десет минити ) и Павловски (одигра само 1:10 минута).
Ниту кај противникот ротацијата не е нешто поголема. Но својот дел од минутите со осум реализации добро ги одработи Караколев, но без вистинска помош од М.Пековиќ и Живановиќ, кумановци не можеа да сметаат на нешто повеќе во тој дел од играта.


Оној наредниот се претвори во „брканица". притискаа кумановци во обид водството на противникот да го направат како едноцифрено. Постојано беа „тука некаде", на прагот на реализација. Но Работнички имаше одговор, најчесто со точни шутеви од далечина или оние зицер ситуацииа кои соиграчите му ги креираа на високиот Мишановиќ.
Сега погодуваше, односно нови проблеми за Куманово правеше и Ефремоски, најмладиот во составот на Докузовски. Кога стигнаа на -10 (47:57), младиот репрезентативец погоди по втор пат. За одново да го „одвои" својот тим на пријатна позитива. Кога погоди и неговиот врсник, Маслинко, се „падна во вода" за составот во „сина-бела" комбинација. што ги смири и нивните навивачи.
Ниту тие трети десет минути не донесоа и сериозна промена во резултатот (63:51) за Работнички.
Најблиску до посакуваната цел Куманово дојде по три и пол минути игра од четвртата четвртина кога намали на минус пет (65:70). И го натера Докузовски на „тајм-аут", по кој со „погодувањето" продолжи Чековски.


Тој го одбрани тој кумановски налет, и одново со неколку поени во серија, го врати Работнички на двоцифрени (77:67), но што беше уште поважно, до крајот останаа да се доиграат само уште три и пол минути.
Но, кумановци немаа намера да се предадат, напротив...
Мијатовиќ и Караџовски направија последните две минути да бидат дури и драматични, затоа што ја намалија разликата на достижни четири поени (75:79).
Вторит и „брз" тајм-аут на Докузовски уште еднаш донесе резултат затоа што Мираковски и Мишановиќ го однесоа Работнички кон полуфиналето каде утре вечер од 18.30 часот ги чека Карпош Соколи.


Првите пет играчи на Работнички, со исклучок на Тасовски, погодија повеќе од десет пати, но Мишановиќ имаше најмногу реализации, дури 23 (плус и 8. скока).
Мираковски заврши со 19. Чековски имаше 17. а добриот, но во првото полувреме, Николиќ остана на сосема солидни 12.
Доброто второ полувреме го постави Караџовски на првото мето на листата на стреците во Куманово, имаше репрезентативниот бек 19. поени, а „сино-белите" една двоцифрена петорка во која свое место во одредени делови од мечот најдоа Мијатовиќ (15), Браун (14), Јанески (12), и Караколев (10 поени).

Најново во Кошарка