НОВ УБЕДЛИВ ПОРАЗ ВО КВАЛИФИКАЦИИТЕ ЗА ЕП 2019

Македонија стана пример како во една четвртина се постигнуваат само три поени

Женската репрезентација го забележа четврттиот пораз во евроквалификациите, на гостувањето кај Италија беше совладана со убедливи 93:33. 

објавено: 14 февруари 2018 - 20:07

По Хрватска, дојде уште еден убедлив пораз за нашата најдобра женска репрезентација во квалификациите за пласман на Европското првенство 2019 година. Италија во Скопје покажа едно лице, а се чини за реваншот на домашен терен го чуваше најдоброто. Избраничките на селекторот, Марјан Лазовски се демолирани со крајни 93:33.

На Македонија и беа потребни осум минути да ги постигне првите поени, по серијата од 21-0 на домаќинот, Лазареска конечно ја прекина серијата, по првите десет минути беше 24-4. Нешто подобра игра можевме да видиме во следниот период, не затоа што нашите девојки блескаа, туку успеаја да постигнат 15 поени. Довифрената бројка „црвено-жолтите“ ја минаа во третата четвртина во која реализираа 11 поени, а потоа повторно влегоа во бездна, дури на крајот успеаја да постигнат цели три поени.

Дека ќе биде подобро во иднина, дефинитивно не можеме да се тешиме и покрај тоа што во составот немавме неколку стандарни репрезентативки, без дел од нив игравме и на мечот во Скопје. 

Кога сме кај стрелците Митрашиновиќ со девет поени беше нашата најефикасна кошаркарка.

Најново во Кошарка