ЦРНО МУ СЕ ПИШУВА

Роналдо оди 10 години во затвор!? Го спасуваат само 29 милиони евра

Португалецот веќе подолго време има проблеми со даночната полиција во Шпанија

објавено: 8 април 2018 - 12:00

Кристијано Роналдо веќе подолго време има проблеми со даночната полиција во Шпанија, но се чини дека сега е дојдена кулминацијата на неговите проблеми. Според пишувањата во шпанските медиуми, Португалецот може да заработи казна затвор од 10 години, доколку не уплати сума од 29 милиони евра на даночната управа.

Роналдо е обвинет дека затаил данок во висина од 14,7 милиони евра, но ѕвездата на Реал Мадрид постојано тврди дека е невин и дека не направил ништо незаконски. Сепак, државата не простува на никого. Тој е обвинет дека заедно со своите советници, намерно отворил фиктивна форма во земјите кои се „рај за избегнување на даноците“ и таму ги префрлал сите пари од спонзорските договори. 

Обвинението бара Роналдо да плати 29 милиони евра, но и да се изјасни дека е виновен во овој случај. Кристијано не е првиот фудбалер со вакви проблеми во Шпанија. Претходно низ истото поминаа и Лионел Меси, Хавиер Маскерано, Марсело, Рикарод Карвалјо, Анхел ди Марија и уште многу други познати фудбалери. 

Најново во Меѓународен Фудбал