„КРАЛСКИОТ КЛУБ“ СТИГНА И ДО 39 МЕЧ БЕЗ ПОРАЗ

Реал со „петка“ му ја честиташе „Златната топка“ на Роналдо

Мадридскиот гигант убедливо со 5:0 славеше против Гранада во првиот меч од 2017 година и го израмни рекордот на вечниот ривал Барселона, по бројот на средби без пораз во сите натпреварувања

објавено: 7 јануари 2017 - 14:48

Реал Мадрид на убедлив начин стартуваше во 2017 година и во првенството. „Кралскиот клуб“ без никакви проблеми, со 5:0 ја победи Гранада, во првиот меч од Примера дивисион за оваа година. Пред дуелот, Кристијано Роналдо ја доби „Златната топка“ која ја доби како најдобар играч во светот за минатата година. 

„Кралевите“ немаа никакви проблеми, а навивачите на „Сантијаго Бернабеу“, уште во првите 30 минути се израдуваа на четири погодоци на нивните миленици и беше јасно дека нема да има никакво изненадување. 

Иско даде два гола, а по еднаш погодија и Роналдо, Бензема и Касемиро. За Реал ова е дури 39 меч без пораз во сите натпреварувања и го израмни рекордот на вечниот ривал Барселона. Во оваа серија, мадриѓани имаат дури 30 победи и само девет нерешени средби. 

Најново во Меѓународен Фудбал