Голем интерес за натпреварот Македонија – Романија, во продажба уште мал број влезници

На четири дена до почетокот на натпреварот со Романија, во продажба се останати уште мал број на влезници.

објавено: 6 јуни 2018 - 19:19

Македонската сениорска репрезентација игра исклучително важен натпревар од баражот за Светското Првенство 2019 против селекцијата на Романија во недела во Скопје, а интересот на јавноста за овој натпревар е голем, така што на четири дена до почетокот на натпреварот, во продажба се останати уште мал број на влезници.

Досегашниот интерес најавува преполна сала и максимална поддршка за нашите репрезентативци кои посакуваат што е можно повисока победа пред реваншот што на 13 јуни ќе се игра во Клуж во Романија.

Натпреварот Македонија – Романија во Скопје е закажан за 10 јуни од 20:30 часот во СЦ „Борис Трајковски". Им препорачуваме на сите љубители на ракометот и на сите кои сакаат да им дадат поддршка на нашите репрезентативци да стигнат до посакуваната цел, навреме да набават влезници за натпреварот.

Влезниците се продаваат на сите продажни места на МК Тикетс низ државата, по цени од 100 денари (долни трибини – партер) и 200 денари (горни трибини). Влезниците може да се резервираат и online на интернет страницата на МК Тикетс.

Најново во Ракомет