За пласманот на европското првенство

Ракометарите ја добија премијата од 40.000 евра

РФМ ги награди нашите репрезентативци

објавено: 4 август 2017 - 11:56

По претходно донесена одлука на Управниот Одбор, денес Ракометната Федерација на Македонија ја исплати премијата од 40.000 евра на машката сениорска репрезентација, за пласманот на Европското Првенство во Хрватска 2018.

Македонија го освои првото место во квалификациската група за ЕП во која уште се наоѓаа и репрезентациите на Чешка, Исланд и Украина, со што се најде во вториот шешир за извлекувањето на групите за континенталниот собир.

Ова ќе биде петто учество на македонските машки сениори на Европските Првенства по настапите во Италија (1998), Србија (2012), Данска (2014) и Полска (2016) и вкупно десетто учество заедно со Светските Првенства.

На ЕП во Хрватска што ќе се игра во јануари 2018 година, Македонската машка сениорска репрезентација ќе се натпреварува во групата Ц, против Германија, Црна Гора и Словенија.

Најново во Ракомет