Во последните две години ретко или никогаш, не се случило во некое рангирање во ПМФЛ, тетовска Шкендија да не биде прва по било која основа. Но ете дојде и тој момент, не само што шампионот не е најдобар туку е трет. И тоа во билансот на сите наши клубови во првите пет кола во пролетниот дел од тековниот шампионат.

Бројките кажуваат дека А. Пандев од можни 15 бодови освоил дури 12, и зато е на прво место. Втор е Шкупи со 10 а трета Шкендија со 10, ама со полоша гол разлика. Следува Ренова која е единствена без пораз во изминатите пет кола, но затоа има само две победи и три ремија. Најмногу разочараа најтрофејните, Вардар и Работнички, кои едноставно не личат на себе. Тие заедно собраа 12 бодови, колку самата А. Пандев, што е поразително за клубовите кои заедно имаат дури 14 титули. Беласица со два и Победа со еден освоен бод, и на оваа табела се последни.

ТАБЕЛА

1.А. Пандев        5       4       0       1       8:3    12

2.Шкупи    5       3       1       1       8:3    10

3.Шкендија        5       3       1       1       6:2    10

4.Ренова   5       2       3       0       8:3    9

5.Вардар   5       2       1       2       4:6    7

6.Силекс    5       1       3       1       4:5    6

7.Работнички     5       1       2       2       4:5    5

8.Македонија ЃП        5       1       2       2       4:8    5

9.Беласица         5       0       2       3       2:7    2

10.Победа 5       0       1       4       3:9    1