Прв триумф на Интер во ЛШ, Наполи победнички од Салцбург, Ливерпул без проблем со Генк

Интер дојде до првиот триумф оваа сезона во ЛШ, совладувајќи го денеска тимот на Борусија Дортмунд со 2:0 на „Џузепе Меаца“. Интер имаше водство по првиот дел со голот на Мартинез. „Милионерите“ се разбудија, па имаа неколку прилики во вториот дел, а кога не успеаја да израмнат, беше досуден пенал за Интер кој не го реализираше Мартинез (Бурки го одбрани). Меѓутоа Кандрева пред самиот крај успеа да погоди и да ја запечати победата.

Барселона победи во Прага против Славија 1:2, и со тоа направи голем чекор кон следната фаза. Меси погоди во првиот дел, потоа Славија израмни, а автоголот ја спаси Барса и донесе победа за шпанскиот тим.

Ливерпл немаше проблеми со Генк и победи 1:4 со два гола на Чемберлејн, и по еден на Салах и Мане. Во истата група, Наполи со 2:3 победи против Салцбург со двата гола на Мертенс и еден на Инсиње. Чудесниот Халанд два пати погодуваше за Салцбург, и два пати успеваше да израмни, но не и да го спаси совојот тим од пораз.

Лил и Валенсија одиграа 1:1. Французите во последните мигови постигнаа гол за израмнување, а Бенфика во судиското надополнување стигна до победа над Лион 2:1.