Манчестер јунајтед, наводно, доставил понуда вредна 25 милиони евра за играчот од средниот ред на Аталанта, Дејан Кулушевски.

Македонецот со шведски пасош во моментов е на позајмица во Парма, а официјално е фудбалер на Аталанта. За него во последно време се кршат копјата меѓу најголемите европски фудбалски гиганти.

Пред неколку дена пишувавме за интересот кој Интер го има за Кулушевски, а денеска стигна и оваа вест на британски „Дејли Стар“.

Покрај „црвените ѓаволи“, интерес за 19-годишниот фудбалер има и уште еден англиски гигант – Ливерпул. Европскиот шампион во неколку наврати праќа свои скаути да ги следат настапите на Клушевски во Италија.