Од денеска па во наредниот период, нема кошарка во Македонија и тоа од познати причини.

Поради коронавирусот,  челниците на нашата кошаркарска федерација одлучија да се прекинат сите активности во овој спорт. Според КФСМ во целост ќе се следи моменталната ситуација и ќе се реагира навреме. Здравјето на играчите, тренерите, судиите, навивачите, службените лица било пред се.

„Земајќи ја предвид моменталната состојба со појавата и ширењето на Корона вирусот (COVID-19), како и препораките на Владата на РСМ и Светската Здравствена Организација, со цел да се заштити здравјето и безбедноста на играчите, тренерите, службените лица и навивачите, раководството на Кошаркарската федерација на Северна Македонија објавува дека сите натпревари во организација на федерацијата од денеска, четврток, 12 март 2020 година со одложуваат на неодреден временски период. КФСМ ќе продолжи да ја следи состојбата на дневна основа и ќе ги оценува опциите за продолжување или не, на соодветните натпревари кога и ако ситуацијата тоа го дозволи“, се вели во соопштението од Федерацијата.