Каков ли само хаос владее во Барселона. Имено каталонскиот гигант, веројатно вториот најголем клуб во светот после Реал Мадрид, е катастрофа. Замислете си Барса нема 30 милиони евра да го реализира трансферот на Мемфис Депај од Лион.

Срамотно…

Секако дека ова е голем шок за Роналд Куман, новиот стратег на Барселона.

“Бартомеу ми се јави на телефон, и ми потврди дека Барса сака да го купи Депај. Исто така ми рече дека имал проблеми зошто пандемијата со коронавирусот ги донела до криза и дека во овој момент не се во состојба да пратат било каква понуда“ ова се зборовите на Жан Мишел Ола, првиот човек на Лион.

Инаку утринава се појави веста дека Барселона ќе ги плати тие 30 милиони евра, но прво треба да ги заработи, со оглед на тоа дека клубот нема пари и дека е во минус од 200 милиони евра. Проблем прави тоа што никој не ги сака играчите на Барса. Ракитиќ се врати во Севилја за 1,5 +8 милиони евра низ бонуси, Суарез никако не може да пронајде клуб, и затоа Барселона е во тешка криза. Немаат средства за еден обичен трансфер од триесетина милиони евра.