Барселона продолжува со очајните резултати во новата сезона. Каталонците го запишаа третиот пораз во осмиот меч во Ла Лига, овој пат на гости кај Атлетико.

Лионел Меси и неговите другари се наоѓаат на десетото место на табелата со 11 бодови, што пак е најлошиот старт на една сезона во последните 18 години. Каталонците имале повеќе бодови во 2002 и 2003 година година, кога исто така не блескаа, тогаш на нивното конто имаа 12 бода во осум одиграни натпревари.

Роналд Куман, новиот тренер на Барселона, имал подобар скор како тренер во Евертон и Саутепмтон, со првиот тим имал 15 бода, додека со вториот 16, исто по осум одиграни средби.

Она што е најлошо што стратегот не превзема ништо за да неговите момци играат подобро. Згора на сè, вчера во 62. минута теренот го напушти Пике поради повреда, а Меси и натаму сака да си оди.

Наскоро клубот ќе добие нов претседател, а доколку Куман продолжи со исти резултати ќе замине во историјата.